Tamil Christian Repository

ரட்சிப்பை உயர்த்திக் கூறுவோம்

1. ரட்சிப்பை உயர்த்திக் கூறுவோம், லோகம் நடுங்க
நரகாக்கினையைச் சொல்லுவோம் பாவ மடங்க - ஓ
பூர்வ கால தேவதாசர் விஸ்தரித்தாற்போல்
மோட்ச லோகம் போகும் முன்னமே

பல்லவி

செல்வோம் செல்வோம் ஆர்ப்பரிப்புடனே
செய்வோம் செய்வோம் போர் பலத்துடனே - ஓ
நானா ஜாதி பாஷைக்காரர் ரட்சிப்படைய
மோட்ச லோகம் போகும் முன்னமே

2. சுவிசேஷ யுத்த சத்தம் பூமியெங்கும் கேள்
மீட்படைந்த பேதைகளின் சாட்சிகளும் கேள் - ஓ
முழுலோகத்தையும் வெல்ல இன்னும் கொஞ்ச நாள்
மோட்ச லோகம் போகும் முன்னமே - செல்வோம்

3. தீதாய் சத்துருக்களென்ன சொன்ன போதிலும்
சுத்த ஆவியின் பெலத்தைப் பெற்று யாவிலும் - ஓ
உண்மையாகப் போர் புரிந்தால் வெல்வோம் சாவிலும்
மோட்ச லோகம் போகும் முன்னமே - செல்வோம்