அனந்த ஞான சொரூபா

அனந்த ஞான சொரூபா

அனந்த ஞான சொரூபா,
நமோ நம! அனந்த ஞான சொரூபா!

சரணங்கள்‌
1. கனங்கொள்‌ மகிமையின்‌ கர்த்தாவே, காத்திர நேத்திர
பர்த்தாவே,-நரர்‌(1)
காண வந்தாரே;-பரன்‌ நரர்‌ காண வந்தாரே.
கர ணாகர தேவா, அனந்த ஞான சொரூபா! - அனந்த

2. அந்தப்‌ பரமானந்த குணாலா(2)
ஆதத்தின்‌ தீதற்ற மனுவேலா!- எமை
ஆண்டு கொண்டாரே,-பரன்‌ எமை ஆண்டு கொண்டாரே,
ஞானாதிக்கத்‌(3) துரையே அனந்த ஞான சொரூபா! - அனந்த

3. ஆடுகளுக்‌ குரிமைக்‌ கோனே,
ஆரண(4) காரணப்‌ பெருமானே- நரர்க்‌
கன்பு கூர்ந்தாரே;-பரன்‌ நரர்க்‌ கன்பு கூர்ந்தாரே,
கிருபாசனத்‌ தானே, அனந்த ஞான சொரூபா! - அனந்த

4. பந்தத்‌ துயரந்‌ தீர்த்தாரே,
பாவத்தைச்‌ சாபத்தை ஏற்றாரே;- எமைப்‌
பார்க்க வந்தாரே;-பரன்‌ எமைப்‌ பார்க்க வந்தாரே,
பரமாதிக்கத்‌ தோரே, அனந்த ஞான சொரூபா! - அனந்த

- வேதநாயகம்‌ சாஸ்திரியார்‌

1 மானிட 2 குணாலயமானவரே
3 ஞானத்தைச்‌ 4 வேதத்திற்கு ‌